146 | COSERE 4. განხორციელება (დაკვირვება): • აღწერა: ჩამოაყალიბეთ კონკრეტული სამოქმედო გეგმა და ვალდებულებები, რომლებიც უნდა შესრულდეს. • განხორციელება: ◊ მოუწოდეთ მსმენელს, აირჩიოს კონკრეტული ღონისძიებები და აიღოს პასუხისმგებლობა მათ შესრულებაზე. ◊ განსაზღვრეთ საკონტროლო ეტაპები და ვადები პროგრესის გასაზომად. ◊ შეკითხვის მაგალითი: “თქვენს მიზანთან მისაახლოებლად, რომელ კონკრეტულ ნაბიჯებს გადადგამთ და როდის?” პრაქტიკული მაგალითი: ქოუჩინგის სცენარი: დასაქმებულს სურს კარიერული წინსვლა. • 1. მიზანი: ◊ მსმენელის მიზანი: ორგანიზაციაში ლიდერის როლის დაკავება მომდევნო 12 თვის განმავლობაში. ◊ ქოუჩის როლი: დაეხმაროს მსმენელს, კონკრეტულად აღწეროს მიზანი (მაგ., თანამდებობის დასახელება, პასუხისმგებლობები). • 2. რეალობა: ◊ მსმენელის შეფასება: მენეჯერული გამოცდილების ნაკლებობა; ბუნდოვანია, ფლობს თუ არა საჭირო უნარებს. ◊ ქოუჩის როლი: მოუწოდოს მსმენელს დაფიქრდეს საკუთარ მიმდინარე უნარებზე და გამოიკვლიოს პოტენციური ხარვეზები ან განვითარების შესაძლებლობები. • 3. ვარიანტები (ან დაბრკოლებები): ◊ მსმენელის იდეები: ლიდერობის ტრენინგებზე დარეგისტრირება, მენტორის მოძიება, ლიდერობასთან დაკავშირებული ამოცანების მოხალისეობრივად შესრულება. ◊ ქოუჩის როლი: მოუწოდოს გონებრივი შტურმის აქტივობისკენ, შეაფასოს დადებითი და უარყოფითი მხარეები, დაეხმაროს პოტენციური ქმედებების პრიორიტეტიზაციაში. • 4. განხორციელება (დაკვირვება): ◊ მსმენელის მიერ აღებული ვალდებულება: ორი თვის განმავლობაში ლიდერობის პროგრამის გავლა, რეგულარული სესიების ჩანიშვნა პოტენციურ მენტორებთან, კონკრეტული ამოცანების განსაზღვრა მენეჯერული გამოცდილების მისაღებად. ◊ ქოუჩის როლი: დაეხმაროს მსმენელს სამოქმედო გეგმის შედგენაში, რომელშიც გაიწერება ყველა გაზომვადი ეტაპი. GROW მოდელის გამოყენება გულისხმობს მსმენელის დახმარებას, გაიაროს ზემოაღნიშნული ეტაპები, მოახდინოს თვითრეფლექსია და დაისახოს მიზნის მისაღწევად მკაფიო და მიღწევადი ნაბიჯები.
RkJQdWJsaXNoZXIy NzYwNDE=